La Última Question 2 (Asimov)

 

Audio 

 

Intos, quando los tèchnicos assustahos sentierun que nun podiæn arretene'l aliendu mas, houbo un sùbitu blrincu de vuœlta a la vida de l teletypu connectau a aquelha parte de Multivac. Cinco pallabræs impresses: DATOS INSUFFICIENTES PA RESPUŒSTA SIGNIFICATIVA. "Nun puœde ser", sussurrou Lupov. Salierun corriendo.

A la outra mañana, los dous, cun un dolor de cabeça que los atormentaba & bouca dolorida, scaheicieræn l incidente.

Jerrodd, Jerrodine & Jerrodette I & II observaræn la figura strelhada na pantalha camudar a medida que l passu pœl hyperspacio se completaba nel sou lapsu non temporal. Immediatamente, la puvisa uniforme de strelhæs dîou passu a la predominancia d'un ùnicu discu brilhante & luminosu, de l vultu d'un banzon, centrau na pantalha de visualizaçon.

"Ye X-23,", dixo Jerrodd infhoutau. Læs suæs manœs finæs apretarun-se cun fhuœrça tras el lhumbu & los tucos quedarun-y blrancos.

Læs pequenhæs Jerrodettes, intrambæs nenhinæs, experimentaræn el passu a l hyperspacio la primer vez de læs suæs vidæs & sentiæn-se cohibidæs cun la sensaçon momentanea d'interioridà. Interrarun læs suæs risotadæs & persegierun-se una a outra scontroladamente a l rodiu la maî, apelhidando: "Aportemus a X-23 - aportemus a X-23 - nòs -"

"Calma, nenhæs." dixo Jerrodine bruscamente. "Andæs ciertu, Jerrodd?"

"Que ha hi que fhaer ma star ciertu?" introgou Jerrodd, mirando pa la protuberæncia de metal sin traçæs characterìsticæs xhusto so l teithu. Extendìæ-se a lo lhargo la stancia, sumiendo na parede n cada cabu. Yeræ de la lhargor de la nave.

Jerrodd mal sabiæ nada de la spessa barra de metal, excepto que se tyamaba Microvac, que se y introgaba si a daquien y appeteciæ; que, si nun se fhaziæ, indagora teniæ l lhabor de gia' la nave ta una meta preconfigurada; que s'alimentaba d'energïa de læs variæs staçones d'energïa subgalàcticæs; que calculaba læs equaçones pa los saltos hyperspaciales. A Jerrodd & familia solo yos quedaba sperær & vivir nos còmodos aposentos de la nave. Daquien cierta vez dixeræ-y a Jerrodd que l "AC" a l cabu de "Microvac" significaba "computador automàticu" n angles antiguo, sì q'ansì elhi andaba a piques de scaheicer ta esso. Los wœyos de Jerrodine mugabæn-se a l observa' la pantalha. "Nun sou a evitalo. Siento-me extraña deixando la Tierra."

"Por que, pol amor de Dîous?" requerîu Jerrodd. "Nun tenìæmus nada ende. Tenremus todo n X-23. Nun starehes solinæs. Nun seremus pioneiros. Ya existen mas d'un milhon de personæs nel planeta. Dîous mîou, los nuœssos renietos andaran a la cata de nuœvos mundos porque X-23 quedarà per intyenu." Intos, tres una pausa reflexiva, "digo-ti-lo, ye una suœrte que los computadores elaboraræn la travessìa interstellar a l in par que la carreira spoxigaba." "Sei-lo, sei-lo", dixo Jerrodine miseræblemente.

Jerrodette dixo promptamente: "El nuœssu Microvac ye l meyor Microvac de l mundo." "Paheç-mi-lo tamien", dixo Jerrodd, spelurciando-se.

Yeræ una sensaçon agradable tener un Microvac propriu & Jerrodd andaba feliz por fhaer parte de la suæ quinta & non d'outra. De la que l paî d'elhi yeræ muçu, los ùnicos computadores yeræn màchinæs colosales occupando centenes de km² de spacio. Mal habiæ a penæs un por planeta. Tyamabæn-los AC's planetarios. Venieræn fhaziendo-se mas grandes continuamente los postreiros mil anhos & intos, de repente, vieno l refinamiento. Nel sitiu de transistores, mangarun-se vàlvules moleculares pol amor de poder collocar ta l Planetariu AC mas grande n un spacio de mal a penæs media parte l volume d'una nave spacial.

Jerrodd sentîu-se animau, egual que siempre se sentiæ a l pensar que l sou propriu Microvac personal yera mũîthæs vezes mas ingidiyau que l vieyu & primitivu Multivac q'adondaræ l Sol la primer vez, & quasj que tan ingidiyau que l Planetariu AC de la Tierra (el mas grande) que resolvieræ l problema de la travessìa hyperspacial & fhexzieræ possible a læs strelhæs.

"Tantæs strelhæs, tantos planetas", suspirou Jerrodine, occupada cun los sous proprios pensares. "Suppongo que læs familiæs diran pa nuœvos planetas pa siempres, de l xheytu que stamus hagora."

"Non eternamente", dixo Jerrodd, riendo. "Todo apararà un dìæ, sì q'ansì non per bilhones d'anhos. Mũîthos bilhones. Ta que læs strelhæs s'apagen, sabehes. La entropìa ha de xorrecer."

"Entropìa que ye, papa?", glrayou Jerrodette II.

"Entropìa, vidina, mal ye una pallabra que significa a penæs la quantìa de reducçon de l Universo. Todo acaba, sabes, cumo l tou robotin walkie-talkie, alcuœrdes-te?"

"Nun val cun mangar una batterìa nuœva, cumo a l mîou robot?"

"Les strelhæs son læs batterìes, vidina. A l sumise elhæs, ya nun quedæn mas batterìæs."

Jerrodette I de smeno berrou.

"Nun læs deixes, papa. Nun deixes læs strelhæs apagase."

"Hagora mira lo que fhexzîsti", sussurrou Jerrodine, exhasperada.

"Como diba saber you que diba assustales?" Jerrodd sussurrou de vuœlta, "Intruga a Microvac", protestou Jerrodette I. "Intruga-y como prende' læs strelhæs outra vez." "Venga", dixo Jerrodine. "Esso vaî acalmales." (Jerrodette II intamaba tyorar, tamien).

Jerrodd ingurriou-se de costaços. "Hagora, hagora, vidinæs. Vou introgay a Microvac. Nun vos preoccupar, dirà-nos-lo." Introgou-y a Microvac, addicionando aina: "Imprimi la respuœsta".

Jerrodd apañou la tira de finu cellufilm & dixo gayaspeiru: "Ya lo veis, Microvac diz que vaî occupase de todo quando tyege l momento, ansì que nun vos preoccupar". Jerrodine dixo: "& Hagora, nenhes, ye hora de dir dormir. Aportaremus a la nuœssa casa nuœva da breve." Jerrodd lleîu læs pallabræs nel cellufilm da nuœvo inantea destruilo: DATOS INSUFFICIENTES pa RESPUŒSTA SIGNIFICATIVA.

Ingurriou-se de costaços & mirou pa la pantalha. X-23 cincaba lhœw de cara.

VJ-23X de Lameth mirou pa læs profundezæs negræs de l mapa tridimensional & n pequenha scala de la Galaxia & dixo: "Intrugo-mi si nun seremus ridìculos por tener tanta preoccupaçon pol assumptu?"

MQ-17J de Nicron ximelgou la cabeça. "Nun mi lo paheç. Sabes que s'arretyenarà la Galaxia n cinco anhos a l rhythmu actual d'expansion."

Intrambos avultabæn tener venti & poucos anhos, intrambos yeræn altos & perfeitamente formahos. "Cun todo & cun esso", dixo VJ-23X, "Hesito n apresentar un informe pessimista a l Conseyo Galàctico." "Nun diba considerar outru typu d'informe. Ximielga-los un pouco. Tenemus que los ximelgar."

VJ-23X suspirou. "El Spacio ye infinito. Cien bilhones de galaxiæs speræn ser occupadæs. Mas."

"Cien bilhones nun ye infinito & anda tornando-se cada vez mènos infinito. Consideræ-lo! Ha venti-mil anhos, la humanidà resolvîu primeiro l problema d'utilizar energïa stellar, & delhos sieglos mas tarde, læs travessìæs interstellares tornariæn-se possibles. Vagou-y a la humanidà un milhon d'anhos arretyenar un pequenhu mundo & de puœis mal a penæs quinze-mil anhos arretyena' lo que quedaba de la Galaxia. Hagora la poblaçon doblra cada diez anhos..."

VJ-23X interrumpîu. "Podemus agradecelo a la immortalidà."

"Acuei. La immortalidà existe & hemus tenela n cuœnta. Admitto que tien el sou lhau scuru, essa immortalidà. L AC galàcticu tien-mos resuœlto mũîthos problemas, sì q'ansì a l resolve'l problema de la prevençon de la vieyeira & de la muœrte, sfhixzo todælæs outræs soluçones de sou." "Sì q'ansì, nun ti prestariæ abandona' la vida, suppongo."

"De dala maneira", spetou MQ-17J, suavizando-lo immediatamente cun, "indagora non. Nun tengo l tiempu sufficiente. Que tiempu tienes tu?"

"Dous-cientos-venti-très. & Tu?"

"Indagora ando per so los dous-cientos. - Sì q'ansì volviendo a l mîou puntu: la poblaçon doblra cada diez anhos. Una vez q'esta Galaxia stea intyena, arretyenaremus outra n diez anhos. Outros diez anhos & arretyenaremus outres duæs. Outra dècada, outræs quatro. Cien anhos, arretyenaremus mil galaxies. Mil anhos, un milhon de galaxies. Diez mil anhos, todu l Universo conhocido. & Spuœis?"

........

(Fhønte na primer parte)

x

La Ùltima Qüestion 1 (Asimov)

 Audio

Esta ye de lhøñe la miæ storia favorita d'ente todælæs que scribí.

A l final, propunxi-mi contar varios trilhones d'anhos d'historia humana nel spacio d'una storia curtia & deixo-vos la decision de si lo algamei. Tamien imprehendí outru lhabor, sí q'ansí nun vos vou dizir qual fhoi, por nun stropiavos la storia.

Ye curioso que lleitores a maguyo m'intrugæn si you scribieræ esta storia. Avultæn nun s'alcordar nunca de l intitulau de la storia ou (cun certeza) de l auctor, excepto pol vagu Pensar de que podier ser you. Sí q'ansí, ye nidio, nunca scaheicen la storia n si, specialmente l final. La idea paheç afhogar todo - &  satisfheithu por q'ansí lo seya.

La Última Qüestion formulou-se la primer vez, medio inredando, el 21 mayo 2061, n intrando la humanidá la primer vez na lhuz. La qüestion resultou d'una apuœsta de cinco dóllares por unos catsarros, & acontecîu d'esta fhorma:

Alexander Adell & Bertram Lupov yeræn dous de los assistentes fideles de Multivac. Egual de bien que qualquier ser humano podier fhazelo, sabíæn lo que habíæ pœr tras de la cara fría, restalhante & zarramicante - kilómetros & kilómetros de cara - d'aquel computador immensu. Teníæn polo ménos una noçon vaga de l plan completu de relays & circuitos q'ha mũîtho spoxigaræn alhen de l puntu u qualquier ser humano podier tener una comprehension firme de todo.

Multivac yera auto-regulativu & autocorrectivu. Teníæ que lo ser, por nun poder nada humano regulalu & emendalu aína abondo ou mesmo de fhorma adequada ou sufficiente. Intos, Adell & Lupov mal assistierun a l colosu monstruosu de maneira leve & superficial, sí q'ansí tan bien cumo podier qualquiera persona. Cibaræn-lu elhos cun datos, concasaræn læs qüestiones cun læs suæs necessidahes & traduzieræn læs respuœstæs emittidæs. Ciertamente elhos, & todolos outros cumo elhos, teníæn plenu dreithu de participar de la gloria que yera Multivac.

Per décadæs, Multivac sofhitou proyecta' læs naves & traça' læs trayectoriæs que permittieræn a la humanidá aportar a la Lhuna, Marte & Venus, sí q'ansí alhen d'esso, los probes recursos de la Tierra nun podíæn sustenta' læs naves. Mũîtha energïa yera necessaria pa læs lhongæs travessíæs. La Tierra explotou l sou carbon & uranio cun efficiencia creciente, sí q'ansí nun habíæ ma una quantía determinada d'intrambos. Non obstante, sele, Multivac apprehendîu abondo pa responder a qüestiones mas profundæs de fhorma mas fundamental &, el 14 mayo 2061, lo que fhueræ theoría tornou-se fheithu.

La energïa l Sol alrmazenou-se, convertîu-se & utilizou-se directamente n scala planetaria. Toda la Tierra exhaurîu l sou carbon amburando, el sou uranio fissionando, & calcou l interruptor que lo connectaba todo a una staçonina, d'una milha de diámetro, arrodiando la Tierra a media distancia de la lhuna. Toda la Tierra funccionaba por feixes invisibles d'energïa solar. Siete díæs nun valieræn pa scurece' la gloria suæ & Adell & Lupov finalmente fhueræn a scapar de læs funcçones públicæs & atopase n silencio u nun houbier quien pensare n buscalos, næs cámaræs subterraneæs desiertæs, u se víæn porçones de l poderosu cuœrpu interrau de Multivac. Sin supervision, fholgau, classificando datos cun balganosos & satisfheithos clics, Multivac tamien merecieræ læs suæs vacaçones & a los rapazos prestou-yos. Nun teníæn intençon, de mano, de perturbalu.

Trouxeræn una botelha cun sigo, & la única preoccupaçon de momento yera arrepousar na mutua compañía & na de la botelha.

"Ye increhible a l pensalo", dixo Adell. La suæ cara amplia teníæ ingurriæs de cansaçu & arrevolvíæ la bebida sele cun una vareta de crystal, observando læs piedræs de xhelo tarascæs entemiciendo-se.

"Toda la energïa que podamus gastar de fhorma gratuita. Energïa abondo, si queremus extrahela, pa fundir toda la Tierra n una gran pinga de fhierro líquido impuro, & cun todo & cun esso nunca perde' la energïa utilizada d'esta maneira. Toda la energïa que seyamus a usar, eternamente & siempres & siempre. "Lupov inclinou la cabeça a un costau. Teníæ la zuna de fhazelo quando queríæ lheva' la contraria, & queríæ lhevala hagora, in parte por tener elhi q'acarreta'l xhelo & l vasar. "Eternamente non", dixo elhi.

"Oh, diaños, quasj q'eternamente. T'atapece'l Sol, Bert. "

"Esso nun ye eternamente."

"Acuei, intos. Bilhones & bilhones d'anhos. Diez bilhones, talvez. Satisfheithu? Lupov passou los dedos pœl pelo ralo, cumo queriendo assegurase de q'indagora teníæ un pouco, & dîou-y a una pintina de la suæ propria bebida. "Diez bilhones d'anhos nun ye eternamente." "Bien, vagará-y el nuœssu tiempu, acuei?"

"Egual podíæ passar cul carbon & l uranio."

"Acuei, sí q'ansí hagora podemus connectar cada nave individualmente a la Staçon Solar, & elha puœde dir a Pluton & arretornar un milhon de vuœltæs sin preoccupanos nunca de combustible. Nun yes a fhazelo cun carbon & uranio. Intruga a Multivac, si nun tienes fe n min."

"Nun tengo falta introgar a Multivac. Sei-lo."

"Intos deixa de disprezia' lo que Multivac tien por nós fheitho," dixo Adell, incesu, "Fhixzo-lo bien."

"Quien dixo lo contrario? Lo que digo ye q'un Sol nun dura eternamente. Digo esso solo. Andaremus seguros diez bilhones d'anhos, & spuœis?” Lupow ãpuntou un dedu levemente trémulu pa l outru. "& Nun digas que vamus mudanos a outru Sol."

Houbo silencio un tiempu. Adell lhevaba l vasu a los beiços da quando & los wœyos de Lupov pesllarun sele. Arrepousarun.

Abrierun-se los wœyos de Lupov intos. "Andæs pensando que vamus mudar a outru Sol quando acabe l nuœssu, acuei?"

"Nun lo ando pensando."

"Claro que sí. Yes feble n lógïca, essi ye l tou problema. Yes cumo l typu la storia que lu pilhou una nublre repentina & que corrîu pante una viesca & se mitîu so una. Nun andaba preoccupau, vîsti, por catar elhi que n moyando-se un árbole, simplemente passaríæ a outru. "

"Intiendo-lo", dixo Adell. "Nun glrayes. Quando l Sol atapeça, læs outræs strelhæs tamien ya sumiríæn."

"Claro que sí," murmurou Lupov. "Todo intamou cun la explosion cósmica primitiva, ou lo que fhuer, & todo tenrá un fin n extingiendo-se læs strelhæs. Unæs acabaran mas aína q'outræs. Diaños, læs colosæs nun duraran cien milhones d'anhos. A l Sol vagaran-y diez bilhones d'anhos & quiçabes a læs nanæs y vagæn dous cientos bilhones polo bønæs que son. Sí q'ansí dá-nos un trilhon d'anhos & todo stará scuro. La entropía tien q'augmentar a lo máximo, esso ye todo. "

"You sei todo de la entropía", dixo Adell, calteniendo la suæ dignidá.

"& Una mierda."

"Sei lo mesmo que tu."

"Intos sabes que todo alquando habrá d'acabar."

"Claro. Quien dixo que no? "

"Tu, probe fatu. Dixîsti que teníæmus toda la energïa de que teníæmus falta, eternamente. Dixîsti 'eternamente'."

Fhoi la vez de ser Adell contrariu. "Quiçabes podamus alquando arreconstruyi' læs cousæs", dixo.

"Nunca."

"Por que non? Un díæ."

"Nunca."

"Intruga a Multivac."

"Tu intrugæs a Multivac. Reto-te! Cinco dóllares dizen q'esso nun se puœde fhazer."

Adell andaba enforma infhilau pa tentalo, enforma sobriu pa ser a formula' los sýmbolos & operaçones necessariæs n una qüestion que n pallabræs, podíæ corresponder cun esta: Será que la humanidá un díæ, sin el gastu netu d'energïa, será a restaura'l Sol a la suæ mocidá plena, mesmo spuœis de morrer de vieyeira?

Ou talvez podíæ plantease de fhorma mas cincielha ansí: Como se ye a diminuir massivamente la quantía d'entropía neta l Universo?

Multivac baltiou muœrtu & silente. El xarramicar sele de læs lhuzes cessou, los sones distantes de relays arrestalhando terminaræn.

Fhønte