Frédéric Bastiat, nacidu n Bayonne & muörtu n Roma, fhoi un economista, políticu & polemista liberal frances. Intrau tardíamente n debate públicu, marcou Francia al participar nel alderique económicu: collaborou regularmente n Journal des économistes & caltuvo una polémica virulenta cun Proudhon. Eleitu de l Assemblea, participou na política francesa, votando, da quando, bien a manzorga, bien a mandreitha.
Disinvolvîu un pensamiento liberal, que se characterizou pola defensa l lhibre commercio ou concurrencia & opposiçon al socialismo & colonialismo. Considera-se precursor de la schuöla austríaca d'economía & la école des choix publics. Cita-se abondo pola actual curriente minarchista.
Acabou n relativa scuridá n Francia, goza de reputaçon internacional, in particular gracies a les suês Harmonies économiques. Pascal Salin ve-lo cumo consequencia de la clareza excessiva de los sous scriptos & cita un dithu de Bastiat:
«Le public est ainsi fait qu'il se défie autant de ce qui est simple qu'il se lasse de ce qui ne l'est pas.»
("El públicu sta fheitho de fhorma tala que tanto se sfhouta de lo que ser ye simple cumo cansa de lo que ser nun lo ye".)
Historia
La suâ familia yera de Mugron, nes Landes, u vivîu lo mas de la suâ vida & u wöy s'atopa una statua de sou. Yera l fhiyu d'un commerciante ricu que morriera quando tenía nuöve anhos. La maî morriera dous anhos primeiro, & intos martsara vivir cun los wölos paternos.
Deixou la schuöla a los 17 axhuntando-se al negocio familiar. Conforme a Thomas di Lorenzo, ye lo que y fhairía conhoce' los mechanismos mercantiles essenciales. Sheldon Richman tamien observa que crecîu n contextu les gerres napoleóniques marcau por fhuörte intervençon del stado. Nos anhos de 1820, entra na masonería La Zelée. Tornou-se guardian del selho l anhu 1822 & orador l anhu 1823. In 1846 fhoi eleitu miembru correspondiente del Institut de France.
Na suâ mocidá, miraba l noticiario Le Censeur Européen que se creara por Charles Dunoyer, q'orientaría, in pallabres de sou, los sous studios & el sou spíritu.
Economista & pamphletariu, a la suâ carreira pública mal y vagarun seys anhos: intamou cun artículos nel Jornal des Économistes in 1844. Dous anhos mas tarde, fundou & tornou-se cabeceiru editorial d'un cartafhuöyu lhibre-cambista publicau n Paris, & publicou diversos trabayos u lhuîthaba contra l systema prohibicionista & l socialismo.
Deputau eleitu por Landes in 1848 na Assemblea Constituente, fhoi releitu n 1849. Sofhitu d'aquelhos nel Poder, remanecîu cabo Cavaignac. Prestaben-y pouco les questiones polítiques por mal nun s'interessar a penes na economía: na Assemblea, tornou-se vice-presidente de la Comission Finances. Sentau a la manzorga, votaba conforme al proyectu de lhey discutidu polos conservadores ou polos socialistas. Elho nun significaba ser elhi centrista ou social-demócrata, significaba que l sou únicu criterio de xhuizio yera la lhibertá natural. Xhustifica-se, in particular, n una profession de fe eleitoral in 1849: "Los mîous votos aveiraran-se a aquelhos a la sinistra extrema. Por que nun dizir tamien les occasiones que votei a la dreitha?"
Na Assemblea & a fhuöra, nunca deixou de lhuîthar contra l proteccionismo & el socialismo, promoviendo l lhibre commercio & los dreithos individuales. Sería n particular un de los mayores defensores d'idees de Richard Cobden & de los collectivos anti Corn Laws. La suâ primer contribuçon nel Journal des Économistes sería tamien defendiendo l lhibre commercio & abrasaba les polítiques colonialistas. Fundou l Associaçon pol Lhibre Commercio & scribîu un lhibru sobre Richard Cobden.
Tamien fhoi conseyeiru a partir de 1831 & xhuiz de paz de magar el 28 mayo 1831. Amalecîu de tuberculosis quando andaba per Francia promoviendo idees liberales.
Nun podiendo sentar regularmente na Assemblea, martsou a Italia por apousentar & morrîu n Roma n 1850, declarando n morriendo que l sou amigu Gustave de Molinari diba se'l sou fhiyu spiritual. Interrarun-lu na Eglresia de San Luigi dei Francesi, in Roma.
Pensamiento
El pensamiento de Bastiat ye un Pensar fundamentalmente individualista & libertario que constantemente defende la lhibertá de la persona contra qualquiera auctoridá:
«Il y a trop de grands hommes dans le monde; il y a trop de législateurs, organisateurs, instituteurs de sociétés, conducteurs de peuples, pères des nations, &c. Trop de gens se placent au-dessus de l'humanité pour la régenter, trop de gens font métier de s'occuper d'elle»
"Ha hi excessu fhidalgos nel mundo; Ha hi excessu parlamentarios, organizadores, professores de sociedahes, caudielhos de puöblros, paîs de naciones, &c. Excessu xhente que se manga per riba la humanidá por controlala, excessu xhente que tien por xheira occupase d'elho."
— Frédéric Bastiat, La Loi (1850)
N una carta a Alphonse de Lamartine, classifica-se elhi so la bandeira de «l'école économiste ou libérale» cabo Adam Smith, David Ricardo, Thomas Malthus, John Stuart Mill, Thomas Jefferson, Jeremy Bentham, Nassau William Senior, Richard Cobden, George Thompson, William Huskisson (en), Robert Peel, Destutt de Tracy, Jean-Baptiste Say, Charles Comte, Charles Dunoyer, Joseph Droz.
Frédéric Bastiat tamien menta regularmente a Adam Smith & Jean Baptiste Say cumo economistas que nutrieran el sou pensamiento, magar ser abondo críticu cun les suês theoríes de valor & les consequencies que provoca. Mas próximos a sigo, tamien cita repetidamente a Charles Comte & Charles Dunoyer (fundadores del cartafhuöyu Le Censeur) a los que nun deixa d'acombayar.
Frédéric Bastiat tamien tenría influencia n Henry Charles Carey por questiones de renta de la tierra. Carey accusaría al auctor d'Harmonies économiques de copia'l sou lhibru Harmonies des intérêts. Accusaçon de la que Bastiat diría defendese n una carta q'inviou al Journal des Économistes. Cumo Carey, Bastiat fhoi criticu cun la theoría de renta de la tierra de David Ricardo, que procedía conforme Bastiat de la suâ theoría de valor errada.
D'un fhuörte spíritu independente, Bastiat deplora la absencia de crítiques de los sos contemporaneos contra los grandes auctores. Tampouco hesita n incarase a les auctoridahes reconhocides cumo Plato, Montaigne, Montesquieu, Jean-Jacques Rousseau, Fénelon ou Thomas More. Tamien deplora — probablemente so la influencia de Charles Comte — la excessiva admiraçon por sociedahes antigues (Grecia & Roma), u la economía yera n gran parte basada n latrocinio & sclravismo.
Frédéric Bastiat scribîu mũîthos textos que son da fheitho contestaçones a les doutrines de los sos contemporaneos. Nos sous Sophismes économiques, responde a les idees proteccionistas del Comte d'Argout, Bugeaud, Saint-Cricq, Dupin, Dombasle ou Lestiboudois.
Ataca les theoríes de Louis Blanc cun Individualisme et Fraternité & Propriété et Loi, de Victor Considerant cun Propriété et Spoliation, de Pierre Leroux cun Justice et Fraternité, de Pierre-Joseph Proudhon cun Capital et Rente, d'Auguste Mimerel, cun Protectionnisme et Communisme ou de los Montagnards cun l'État.
Sophismas económicos
El trabayu de Bastiat & notablemente los sous Sophismes économiques denuncien specificamente les fallacies económiques, por tanto, los razonamientos económicos erroneos, que son vectores de suspicacies ampliamente extenses, refutando-les cun análysis & defensa liberal.
Defensa l intercambio lhibre
N un stylu bien directu, los sous scriptos (artículos ou pamphletos) lhidien cun comparançes educacionales & fábules satýriques. Estes rescamplen los principales mythos ou sophismas que se sofhiten al rodiu del stado, del socialismo (el spolio legal), de la riqueza ("el proveithu d'un ye l proveithu l outro"), solidaridá ("nun sou da fheitho quien a concibi' la fraternidá legalmente fhorçada, sin que la lhibertá sea legalmente sfheitha, & la xhusticia legalmente açoutada a los pies"), del impuöstu, del intervencionismo, &c. Tamien sabe scribir pamphletos ou orienta' la polémica, particularmente scontra Proudhon cun quien tuvo una controversia de trelze selmanes nel cartafhuöyu La voix du peuple.
La sátyra mas célebre de Bastiat (destinada al proteccionismo) ye la suâ missiva al Parlamento frances de los fabricantes de veles, pidiendo defendelos "de la competiçon ruinosa d'un rival forasteiru", que yos produz una "concurrencia disleal forneciendo lhuz a precios abondo baxos" (el fornecedor ye...el Sol!). La missiva termina cun l applicaçon d'una "lhey q'ordene trancar todeles ventanes, tragalhuzes, [...] pelos que la lhuz del Sol aveza intrar nes cases."
Polo que cinca al lhibre commercio, defendîu l lhibre commercio mutuamente eleito & tamien insinyou como ye mas interessante practica'l lhibre commercio, quantos & mas cun payses proteccionistas. Qualquiera protecçon ye confiscatoria conforme a Bastiat, ente que, inversamente, el lhibre commercio faculta un effeitu multiplicador de riqueza.
El consumidor nel centro la economía
Punxo-se elhi n pro l consumidor individual & non pro l productor (theoría de la abundancia contra la theoría de la scassez). D'acuördo cun Jacques Garello ye l únicu economista l sieglo XIX cabo Richard Cobden q'egua' les theoríes de consumu disinvuöltes nel sieglo XX por Ludwig von Mises, Friedrich Hayek ou Pascal Salin.
L acçon del stado
Bastiat tien una vision minimalista del stado, que mal tien de garantir a penes xhusticia & segurança, & deixar a la xhente interactuar lhibremente: "Garanti' la segurança pública, administra'l dominio commun, cobrar contribuçones, esto ye, avulta-mi, la sphera racional a la que les responsabilidahes gubernamentales han de circumscribise ou reduzise ... esto ye, quier-se reduzi'l gubierno al papel de xhuiz ou policía?"; "Mal sperar del stado duês couses: lhibertá & segurança. & bien ver que nun mos ye possible, cul pelligro de perde' les duês, pedir una terceira".
Tamien se posiciona por un exércitu privau orientau por normes públiques.
Disinvuölve n outres occasiones la thesis de se'l acçon del stado la consequencia de les demandes de collectivos de pression. Ansí la suâ famosa cita sobre l stado: "El stado ye la gran ficçon pola que todos puxen por vivir a cuönta de todos."
In materia económica, mũîthes vezes emphatiza la distincçon ente "Lo que ver se ve, & lo que ver nun se ve" (wöy diba fhalase de los costos occultos, los costos d’opportunidá ou los effeitos perversos). Esti thema, expandidu por critica' les actividahes intervencionistas del stado, disinvolvîu-se primitivamente na suâ parábola Sophismo del crystal frayau,
El denheiro gasto n arreparar una ventana franyida trahirá trabayu al reparador; el cabeiru podrá augmenta' los sous gastos, elho produzirá mas negocios a outra xhente. Lo que ver nun vemus ende ye que l denheiro tamien se diba gastar, & simplemente, casu la ventana nun se franyier. La ventana franyida mal sviou l denheiro a outros gastos.
Pante Bastiat, un stado ye da quando a actuar apanyando la xhente mas activo pal subsidio de collectivos d'interesses, associaçones corporativistas ou por acio d'assistir a xhente inactivo. Arresalta q'esso nunca dirá crear riqueza na sociedá, & q'egual probablemente dirá destruir delha.
Conceiçon subiectiva de valor
Disindulrcou una conceiçon subiectiva del valor a la maneira de Jean-Baptiste Say & Turgot & n opposiçon a la obra d'Adam Smith ou David Ricardo que captaben una base obiectiva del valor pel valor-trabayu. La Schuöla Austríaca d'Economía apanyaría esta vena subiectiva nos sous trabayos. In mũîthos adspeitos Bastiat tamien prevîu essa schuöla de pensamiento económico: theoría l capital, theoría subiectiva de valor, praxeonomía, &c.
Seguridá social
Ye un de los primeiros a denuncia' les possibles derives de los futuros systemas de seguros médicos. Ferviente defensor de les caxes de socorros mutuos, oppon-se a qualquiera nacionalizaçon del systema a la fhuörça, affirmando por exemplo nes suês Harmonies économiques:
Afigurai-vos que l gubierno intervenga. Ye fácile adivina'l papel que s'attribuirá a si mesmo. El sou primer zelu será aproveithar todos essos fhondos sol pretextu de centralizalos &, por day color a esta impresa, promitterá spoxigar cun los recursos que s'apanyarun del contribuente. Sí q'ansí, intrugo, in que se tornará la moral de la instituçon quando l sou fhundu s'alimente pol impuöstu; quando nun haber quien, excepto daqué burócrata, teniendo interes in defende'l fhundu commun; quando a todos, in cuönta de fhae'l Deber de preveni'l abusu, yos preste favorizalu; Quando cesse la custodia mutua, aparentar star malu nun será ma inganhar bien al gubierno?
Esti nominará auditores, controladores, inspectores, veran-se innúmeres formalidahes interponese ente la necessidá & l adiuda. In summa, una instituçon admirable dirá, de magar nacer, transformase n una secçon de policía. Los trabayadores nun veran ya la caxa commun cumo una propriedá q'elhos administren, q'elhos alimenten, & que limita los sous dreithos. Pouco a pouco, avezarán ve'l socorru, in casu de malura ou paru, non cumo provenientes d'un fhundu limitau que se preparou por propria prevision, veran-lo cumo una delda de la sociedá. El stado oblrigarase a pedir constantemente subsidios al presuppuöstu. Intos, alcontrando la opposiçon de comissiones de finances, alcontrará-se ingidiyau n difficultahes inextricables. Los abusos continuarán spoxigando, & arrecularemus na recuperaçon d'anhu n anhu, cumo habitual, ta l díe d'un spanyidu. Intos arrepararemus in que se nos reduzîu a contar cun una poblaçon que ya nun sabe actuar por si mesma, que spera todo d'un ministru ou d'un prefeitu, quantos & mas pala subsistencia, & les suês idees se pervertiran ta l puntu de perde' la noçon de dreithu, propriedá, lhibertá & xhusticia […]
Defende' los dreithos
Tamien participa del debate d'idees, lhuîthando contra la pena de muörte, sclravismo & defendiendo l dreithu syndical. Ansí, n un discursu na Assemblea pola repression syndical del 17 noviembre 1849, diz a propósito del reglamento prohibiendo l dreithu al paru obreiru:
Confesahes que, so la influencia de los vuössos reglramentos, la offerta & la demanda ya nun anden in xhuöw, puöis la coaliçon de patrones nun ye a catase, & ye evidente: dos, trés patrones almuörcen xhuntos, fhaen una coaliçon, & nun ha hi quien saber nada d'elho. La de los trabayadores siempre será catada por fhaese a la lhuz del díe
Actividá parlamentar
Cumo deputau, Frédéric Bastiat votou:
Pola deportaçon de la familia d'Orléans (26 mayo 1848).
Contra l restablicemiento de la cauçon monetaria a la prensa (9 agosto 1848).
Contra l accusaçon de Louis Blanc (el sou opponente n ideario) (26 agosto 1848).
Contra la restauraçon del arrestu substitutoriu (prision por deldes) (1 septiembre 1848).
Pola aboliçon de la pena de muörte (18 septiembre 1848).
Contra la aboliçon del remplaçu militar (de magar 1804 les families podíen negociar una taxa cun un notariu por pagar un substitutu que diría realiza'l servicio l fhiyu) (21 de outubre 1848).
Pola Ordre du Jour n honor de Cavaignac (25 noviembre 1848).
Contra la reducçon del impuöstu l sal (28 deziembre 1848).
Pola prohibiçon de los clubs políticos (21 março 1849).
Contra la propuösta Rateau (12 xhanheiro 1849).
Contra los impréstamos de la expediçon de Roma (16 abril 1849).
Contra l amnistía de los transportahos (2 Mayo 1849).
Influencia & herencia
Acquerîu una notoriedá significativa d'aquelha, tanto n Francia cumo a fhuöra. Ansí, Gustave Flaubert scribîu a George Sand el 7 outhoubre 1871:
In trés anhos, todolos franceses podran ller. Vós pensahes que progressaremus mas por elho? Afigurai-vos, polo contrario, que n todolos conceyos exsiste un burgues, un solu, que ller a Bastiat & q'a esti burges se lu respeite, les couses diríen camudar!
Nos mesmos anhos, el cardenal Pecci, futuru Leo XIII, dixo d'elhi:
Un famosu economista frances (Frédéric Bastiat) expunxo cumo si fhuer sobre una mesa los múltiples beneficios que la persona alcuöntra na sociedá & ye un portentu dignu d'admirase [...].
Actualmente, la suâ fama & influencia ye mayor nel exterior que n Francia, u se conhoç mal. Ansí ta ha pouco, inda mal s'atopaben les suês obres in frances na Rede & n angles, de les que La Loi, ente tanto, se disparou a mas d'un milhon de copies, vendiendo-se 15.000 cada anhu nos USA.
Egualmente, Alain Madelin reconhoç una influencia mayor: "Fundamentalmente, Bastiat fhai-nos dar cuönta que l pensamiento liberal, inantea de ser un pensamiento económico, ye tamien & sobre maneira un pensamiento philosóphico, legal & político sobre la emancipaçon de la persona [...] ".
Mũîthos economistas tamien se construeran na continuidá ou n reacçon a les suês idees: nes suês respuöstes a Keynes, Friedrich Hayek citaba regularmente a Bastiat ente que Karl Marx criticaría les theoríes del economista specialmente nel postfacio a la segunda ediçon de Capital (1872) & nes Théories sur la plus-value.
Bastiat influenciou al economista Francesco Ferrara, a quien apelhiden "Bastiat italianu". El sociólogu & economista Vilfredo Pareto tamien admiraba l frances al intamu. Mas tarde n I sistemi socialisti, qualificaría l principio de los interesses harmónicos descriptos por Bastiat nes Harmonies économiques cumo fhuörtemente scuro. Pareto quixho intos disinvolver una obra cun pretensiones scientífiques & mathemátiques, xebrada de toda oppinion personal. Lhöw, l economista & historiador Joseph Schumpeter arreaxhuntaría-se al sou Paecer & scribîu:
Fhoi un lhibrecambista musculau & enthusiasta del laissez-faire, conhocîu una súbita gloria pol amor d'un artículu brilhante [...] el sou nome podría passar a la posteridá cumo la d'un informador económicu [...] Sí q'ansí nos postreiros dous anhos de la suâ vida [...] imbarcou-se n una obra de naturaleza differente, de la q'un primer volume, Les Harmonies économiques, se publicaría n 1850 [...]. Les deficiencies de la suâ capacidá de razonamiento, ou polo ménos del sou Poder de lhidiar cul tracamundio analýtico de la economia, mangaríen-lu fhuöra bolos. Nun argumento you ser Bastiat mal theóricu, argumento nun ser elhi un theóricu ... Nun sou quien a ve'l mérito scientífico nes Harmonies"
Karl Marx fhaía dalguna maneira la mesma recriminaçon a Bastiat in lu qualificando de "se'l representante mas planu […] de la economía submissa". N effeito, el trabayu de Bastiat anda a distancia de los méthodos scientíficos tradicionales. Gastando historietes & exemplos simplistas, la suâ didáctica ye, n un ciertu sen, mas atyegada a la d'un philósophu. Conforme al economista Joseph Salerno, l absencia de scientificismo allegada por Pareto & Schumpeter de Bastiat ye realmente la absencia de scientificismo ou de positivismo.
Nos anhos 1970 l minarchismo actual, nos USA & Canadá, disinvolvería les thesis liberales & fhai referencia al pensamiento de Bastiat (nos sous adspeitos mas controversos).
Un premio annual, el Prix Bastiat, concede-se a la suâ memoîra pola International Policy Network; arrecompensa artículos de prensa illustradores & defensores de les lhibertahes económiques & sociales.
Obra
Ente les suês obres mas importantes atopen-se:
Le Libre-échange n wikisource
Cobden et la Ligue ou L'agitation anglaise pour la liberté des échanges
Sophismes économiques in wikisource
Harmonies économiques in wikisource
Premières notions d'économie politique, sociale ou industrielle Garnier frères; Guillaumin et Cie (Paris), 1873, Textu n Rede disponible n IRIS
Egualmente scribîu una cierta quantidá de pamphletos, ente elhos:
Tamien deixou una correspondencia importante, specialmente cun FC Chevé, editor de La Voix du Peuple & Pierre Joseph Proudhon. Queden egualmente «mélanges», enxayos dispersos & varios rascunyos.
Todolos textos se compilarun in 1862 pol editor Guillaumin, n una ediçon de siete tomos. Esta ediçon anda disponible na Rede n Wikipedia Commons.
Bibliographía
Scriptos de Bastiat
Frédéric Bastiat, Œuvres complètes, 7 vol., Paris, Guillaumin et Cie, 1862-1864 consultar
Primer tomu: Correspondencia & "Mélanges".
Segundu tomu: Le Libre-échange.
Tercer tomu: Cobden et la Ligue ou L'agitation anglaise pour la liberté des échanges.
Quartu tomu: Sophismas économicos. Pamphletinos. Contien: Sophismes économiques; Propriété et loi; Justice et fraternité; L'État; La Loi; Propriété et spoliation; Baccalauréat et socialisme; Protectionnisme et communisme.
Quintu tomu: Sophismas économicos. Pamphletinos. Contien: Spoliation et loi; Guerre aux chaires d'économie politique; correspondencia cun F. C. Chevé & cun Pierre Joseph Proudhon; Ce qu'on voit et ce qu'on ne voit pas; Abondance; Balance du commerce; Paix et liberté ou le budget républicain; Discours sur l'impôt des boissons; Discours sur la répression des coalitions industrielles; Réflexions sur l'amendement de M. Mortimer-Ternaux; Incompatibilités parlementaires.
Sextu tomu: Harmonies économiques.
Séptimu tomu: Enxayos, notes, correspondencia.
Frédéric Bastiat, Œuvres économiques, Paris, PUF, coll. «Libre échange», 1983 (ISBN 2-13-037861-7)
Ce qu'on voit et ce qu'on ne voit pas. Choix de sophismes et de pamphlets économiques, cun prefacio d'Alain Madelin, Éditions Romillat, 1993, (ISBN 2878940040).
Frédéric Bastiat (préf. Michel Leter), Sophismes économiques, Paris, Les Belles Lettres, coll. «Bibliothèque classique de la liberté», 2005, 290 p. (ISBN 978-2-251-39038-3, apresentaçon na Rede [archivu]
Frédéric Bastiat (préf. Michel Leter), Pamphlets, Paris, Les Belles Lettres, coll. «Bibliothèque classique de la liberté», 2009, 412 p. (ISBN 978-2-251-39049-9,presentaçon na Rede [archivu])
Lhibros de Bastiat
Louis Bruel, Bastiat et le libre-échange, Paris, Rousseau et Cie, 1931, 160 p.
Un libéral : Frédéric Bastiat, Toulouse, Presses de l'Institut d'Études Politiques de Toulouse, 1988, 194 p. (OCLC 165521386)
Jacques Garello, Aimez-vous Bastiat, Paris, Romillat, 2004 (ISBN 9782878940664)
Gérard Minart, Frédéric Bastiat (1801 - 1850): le croisé du libre-échange, Paris, L'Harmattan, 2004 (ISBN 2-7475-6030-9)
Robert Leroux, Lire Bastiat: Science sociale et libéralisme, Paris, Hermann, 2008 (ISBN 2705667156)
George Charles III Roche, Frederic Bastiat: A Man Alone, New Rochelle, Arlington House, coll. «Architects of Freedom Series», 1971
Artículos sobre Bastiat
- Vincent Valentin, «Sur les fondements du libéralisme : Évolutionnisme et droit naturel chez Bastiat et Hayek», Revue Française d'Histoire des Idées Politiques, no 17, 2003, p. 49-71 (consultar na Rede [archivu])
- «Portrait: Bastiat (1801-1850)», La nouvelle lettre, no 1067, 19 febreiro 2011, p. 8 (consultar na Rede [archivu])
Artículos connexos
Vínculos externos
