Audio
Acceleracionismo: como una philosophìa residual prevîu l futuro u vivimus
El mundo anda camudando a una velocidà trepidante — solo que pante delhos de pensadores, nun ye ràpido abondo. L acceleracionismo ye una idea pelligrosa ou fhala de los nuœssos tiempos confusos?
por Andy Beckett
Mediu sieglo ha, nel gran anhu hippie de 1967, un muçu scriptor reconhocidu de ficçon scientìfica americanu, Roger Zelazny, publicou l sou tercer textu. De variæs maneiræs, Lord of Light yera de la suæ èpocha, inredando-se pœla mythologïa hindù importada & pœl diàlogu còsmicu. Ente tanto, habiæn tamien intafharraduræs de daquè mas prospectivo & polìtico. Una vertiente de la trama referiæ-se a un collectivu revolucionarios que queriæ lheva’ la sociedà "a un nivel mas altu", transformando subitamente l actitude n relaçon a la technologïa. Zelazny tyamou-los acceleracionistas.
Elhi & l lhibru stan in gran parte scaheicidos hagora. Non obstante, cumo dixo l scriptor de ficçon scientìfica mas duradeiru JG Ballard in 1971, "lo que los scriptores de ficçon scientìfica moderna inventæn wœy, vòs & you gastaremus-lo mañana". Næs ùltimæs cinco dècadæs, & specialmente nos ùltimos anhos, bøna parte l mundo martsou mas aìna. Patrones de trabayu, cyclos polìticos, technologïæs quotidianæs, vezos & dispositivos de communicaçon, reconstrucçon d’urbes, acquisiçon & eliminaçon de bienes — todo esso accelerou. Ente q’esso, nel mesmu mediu sieglo, passou-y quasj que da fheitho disapercibido a los medios ou a l academia convencional, l acceleracionismo solidificou-se gradualmente dende un dispositivu ficcional ta un movemiento intelectual real: una nuœva maneira de pensar sobre l mundo contemporaneo & l sou potencial.
Los acceleracionistas argumentæn que la technologïa, particularmente la informàtica & l capitalismo, specialmente la variedà global mas aggressiva, ha accelerase massivamente & intensificase — sea por ser esti l meyor camin a segir pola humanidà, ou por nun haber alternativa. Los acceleracionistas favorecen l automaçon. Favorecen la fusion addicional de lo numèrico & de lo humano. Avezæn favorece’ la derregulaçon de los negocios & reduzir drasticamente l gubierno. Piensen que la xhente ha cessar d’illudise cun que l progressu econòmicu & tèchnicu ye a controlase. Avezæn pensar que la convulsion social & polìtica tien un valor per se.
L acceleracionismo, por tanto, vaî scontra l conservadorismo, el socialismo tradicional, la socialdemocracia, l ambientalismo, el proteccionismo, el populismo, el nacionalismo, el localismo & todælæs outræs ideologïæs que tratæn de moderar ou arreverti’l rhythmu de cambio ya enforma perturbador & apparentemente disruptivu de l mundo moderno. "L acceleracionismo ye una heresìa polìtica", scriben Robin Mackay & Armen Avanessian na suæ introducçon a #Accelerate:The Accelerationist Reader, un lhibru da quando alhouriante, da quando emocionante, que se publicou n 2014 & que continùa siendo la ùnica gìa adequada pa l movemiento existente.
Cumo outræs heresìæs, l acceleracionismo tuvo camadæs d’adeptos, declarahos ou no: transmittiendo læs suæs ideæs los unos a los outros, refinando delhæs & renunciando a outræs, communicando-se n un idioma privau, axhuntando-se a figuræs dominantes, competiendo por atopa’ la pròxima revelaçon de la fe, dividiendo-se n facçones, queimando-se. Existen, ou houbo, acceleracionistas de los USA, Canadà, Gran-Bretaña, Allemania, Italia & Francia. El movemiento produzîu lhibros, enxayos, diarios, manifiestos, cartafhuœyos electrònicos, batalhæs nos medios socialæs — & communicahos enigmàticos, quasj que non classificables, combinando ficçon dystòpica cun una gamma alhouriante de theorìa polìtica, cultural & econòmica.
Occasionalmente, los acceleracionistas occupæn puœstos de professor næs universidahes. Realizæn xhuntançæs pùblicæs sporàdicæs, a fin de pensar in voz alta, argumentar & acquerir conversos. Delhos de fragmentos que se gravaræn puœden alcontrase n YouTube: scenæs scuræs de moços intensos fhalando hypnoticamente sobre l futuro, polo commun cun mùsica electrònica & visualæs abstractos ximelgando-se a l fhundu, pante audienciæs da quando tracamundiadæs in salæs d’aula mal illuminadæs.
Alquando, probablemente mal houbo a penæs delhæs dezenæs d’acceleracionistas pœl mundo. El selho solo anda n usu regular de magar 2010, quando s’imprestou de l lhibru de Zelazny por Benjamin Noys, un fhuœrte crìticu l movemiento. Ente tanto, pœr dècadæs, mas que los pensadoræs contemporaneos orthodoxos, los acceleracionistas concentræn-se n mũîthæs de læs qüestiones centralæs de l final de l sieglo XX & inicio l sieglo XXI: l ascension de la Tsina; l ascension de l AI; que significa ser humano n una dòmina de dispositivos electrònicos intrusivos & viciantes; los fluxos apparentemente incontrolables de læs rulæs globales; el Poder de l capitalismo cumo una rede de deseos; la fronteira cada vez mas confusa ente lo figurativo & lo factual; la redefiniçon de læs nuœssæs mentes & cuœrpos por mùsicæs & cine cada vez mas ràpidos; & la complicidà, repulsa & emoçon que mũîthos de nòs sentimus cun la velocidà de la vida moderna.
"Todos vivimus n un systema operacional que se creou pola trìade accelerada de gerra, capitalismo & la IA wañante", diz Steve Goodman, un acceleracionista britànicu que ta contrabandeaba læs suæs ideæs dramàticæs conscientemente pa la mùsica de dança, pœr acio d’una acclamada gravadora, Hyperdub. "Preste ou no", argumenta Steven Shaviro, un observador americanu de l acceleracionismo, nel sou lhibru de 2015 sobre l movemiento No Speed Limit, "todos somus acceleracionistas hagora".
Illustraçon de Bratislav Milenkovic
Celebra’ la velocidà & la tèchnica tien los sous pelligros. Ha un sieglo, los scriptores & artistas de l movemiento futurista italiano apassionaræn-se polæs màchinæs de la era industrial & la suæ apparente capacidà de revigorece’ la sociedà. Mũîthos futuristas accompañarun essa fascinaçon cul fascismo & cun la gerra. & Siendo delhæs d’obræs futuristas indagora admiradæs, la reputaçon de l movemiento nunca se recuperou.
Una de læs figuræs centralæs de l acceleracionismo ye l philòsopho britànicu Nick Land, que dîou palestræs na Universidà de Warwick na dècada de 1990 & lhœw abandonou abruptamente l academia. "Los philòsophos son viviseccionistas", scribîu n 1992. "Tienen la sapiencia exacta & reptiliana compartida por todolos q’experimentæn cousæs vivæs". Iain Hamilton Grant, un de los alumnos de Land, alcuœrda-se: "Siempre habiæ una tendencia n todos nòs por attrahe’ lo liberal, & Nick fhoi l meyor paha elho.”
Dende Warwick, Land publica prolificamente n internet, non siempre cul sou propriu nome, sobre la suppuœsta obsolescencia de la democracia occidental; tamien scribîu cun approbaçon sobre "biodiversidà humana" & "classificaçon humana capitalista" — la idea pseudoscientìfica, actualmente popular na extrema-dreitha, de que differentæs raçæs "naturalmente" se stremen nel mundo moderno; & sobre la suppuœstamente inevitable "disintegraçon de la specie humana" quando la intelligëncia artificial se torne bøna abondo.
Outros acceleracionistas hagora se distancien de Land. Grant, que dà philosophìa na Universidà de l oeste d’Anglaterra, diz d’elhi: “procuro nun lle' læs suæs cousæs. La xhente [nel movemiento acceleracionista] avergøña-se. Paheç-yos un maton. Quien ye acceleracionista, reflexivo, piensa: 'ta que puntu vaî lhøñe por de mas?' Solo que, nuœvamente, ta mesmamente fhazer essa intruga ye l oppuœsto de l acceleracionismo. ”L acceleracionismo nun tien que ver cun la restricçon”.
Ta l sou crìticu Benjamin Noys admitte tene'l movemiento una fascinaçon. "Accelerar ye una pallabra sexy", diz elhi — nun ye daquè commun na philosophìa. Los artistas decididamente transgressores Jake & Dinos Chapman associæn-se a l movemiento & son collaboradoræs de Land d'ha mũîthu tiempu. Una de læs suæs pincturæs grotescæs & frenèticæs sta na cobierta de los sous scriptos recopilados, Fanged Noumena, que se publicou n 2011, continiendo delhos de los episodios mas scuros & fascinantes de l acceleracionismo. A l intamu d’esti anhu, copiæs de segunda mano de l lhibru, q’hagora s'andæn re-imprimiendo, stabæn vendiendo-se n Amazon por £ 180.
Nos nuœssos tiempos politicamente febriles, læs ideæs impacientes, intemperantes & possiblemente revolucionariæs de l acceleracionismo pahecen relevantes, ou polo mènos intrigantes, cumo nunca indenantea. Noys diz: “los acceleracionistas siempre pahecen tener una respuœsta. Si l capitalismo sta diendo aìna, elhos dizen tener falta dir mas aìna. Si l capitalismo cute daquè na strada & diminui la velocidà”— cumo ocurrîu de magar la crisis financieira de 2008 — “dizen tener falta impulsase”. La campaña eleitoral disruptiva de los USA & la presidencia zuniega de Donald Trump, & læs suæs polìticæs ultracapitalistas, antigubernamentales, vieræn-se por un nùmeru creciente d’observadoræs — delhos allarmando-se, a outros prestando-yos — cumo la primer manifestaçon dominante d’una polìtica acceleracionista. Nos ùltimos anhos, Noys notou ideæs acceleracionistas "resonando" & siendo "circuladæs" ayures, dende partes protechnologïa de la ezquierda britànica ta ricos cìrculos libertarios & d’extrema-dreitha n Amèrica. In cartafhuœyos electrònicos alternativos a mandreitha, Land in particular tornou-se un nome a exorcizar. Los commentaristas observarun cun enthusiasmu læs connexiones ente delhæs de læs suæs ideæs & l pensamiento l bilhonariu libertariu de Silicon Valley Peter Thiel & l stratega iconoclasta de Trump, Steve Bannon.
“In Silicon Valley”, diz Fred Turner, historiador cabeçaleiru de læs industriæs informàticæs d’Amèrica, “l acceleracionismo fhai parte de todu un movemiento q’anda diziendo: nun tenemus falta ya de polìticæs [convencionales], podemus lhibranos d’ 'ezquierda' & 'dreitha', solo si acertamus cun la technologïa. L acceleracionismo tamien concasa cun la maneira como los dispositivos electrònicos se commercializæn — la promessa de que, finalmente, nos adiudaran a deixa’l mundo material, todu l tracamundio de lo phýsico, bien a tras.”
Pante Turner, l appellaçon de l acceleracionismo ye tan vieya quanto moderna: "anden fhalando n un idioma milenar", promittiendo q'un vagu cambio universal anda pròximo. Noys allerta que los acceleracionistas andæn tratando de "revindica'l futuro".
De cierta fhorma, Karl Marx fhoi l primer acceleracionista. El Manifiestu Communista de sou de 1848 cincou tan impressionau quanto plasmau cul capitalismo, cun la suæ "constante revoluçon de la producçon" & "perturbaçon ininterrupta de todælæs condiçonæs sociales". Elhi viæ un capitalismo cada vez mas frenètico cumo l preludio essencial pa l momento n que l civil commun "finalmente s'oblriga a incarar… læs suæs condiçones reales de vida" & iniciar una revoluçon.
Ente tanto, fhoi n Francia, a l cabu la dècada de 1960, quando læs ideæs acceleracionistas se disinvolvierun pœr primer vez de maneira sustentada. Smolrecidos pol fracassu de la revuœlta d'ezquierda de 1968 & pol apparentemente interminable spoxige econòmicu de la postgerra nel oeste, delhos de marxistas francesæs decidierun ser necessaria una nuœva respuœsta a l capitalismo. El 1972, el philòsopho Gillæs Deleuze & l psychoanalista Fèlix Guattari publicarun Anti-Oedipus. Yera un lhibru inquietu, ampliu & attrahiente, ambiguu, q'incamentaba pa que n vez de simplemente opponese a l capitalismo, la ezquierda habriæ reconhoce' la suæ capacidà de libertar & opprimi' la xhente, & habriæ tratar de fortalecer essæs tendenciæs anàrchicæs, “pa dir mas lhøñe... nel movemiento de læs rulæs... por 'accelera'l processu' ”.
Dous anhos mas tarde, outru marxista françæs disilludidu, Jean-François Lyotard, extendîu l argumento inda mas provocativamente. El sou lhibru économie Libidinale, de 1974, declarou que mesmamente los aspectos oppressivos de l capitalismo "gozabæn-los" aquelhos que læs suæs vidæs el systema arreordenaba & acceleraba. Pa de tras, nun habiæ alternativa: "el systema de capital ye, quando todo sta ditho & fheitho, natural".
In Francia, los dous lhibros yeren controversos. Finalmente, Lyotard repudiou économie Libidinale cumo l sou "lhibru de l mal" & passou a outros assumptos. Deleuze & Guattari allertar iæn nel sou pròximu lhibru, A Thousand Plateaus, que se publicou n 1980 — quando a l capitalismo relativamente benigno de la postgerra andaba varriendo-lo la version mas brava & mas dura de la era Thatcher-Reagan — de que mũîtha acceleraçon capitalista podriæ lhevar a la sociedà a los "fhuracos negros" de l fascismo & de l nihilismo.
Ente tanto, na Gran-Bretaña, l Anti-Oedipus & la Economie Libidinale acquerieræn un status differente. Cumo gran parte la philosophìa francesa de postgerra, ignorou-los dècadæs el mainstream acadèmicu, cumo extraños por de mas in todolos sentidos, & nin fhueran traduzidos pa l angles ta 1983 & 1993, respectivamente. Sì q'ansì, pante un pequenhu nùmeru philòsophos britànicos, los dous lhibros fhuerun una revelaçon. Iain Hamilton Grant conhocîu Economie Libidinale pœla primer vez cumo studiante de master in Warwick a l intamu los anhos 90. “You nun podìa crelo! Un lhibru d'un marxista diziendo: 'Nun ha hi como scapar d'esso', significando capitalismo, & que somus todos pequenhos catsos de deseo d'ingënierìa, que concasæn n un systema immensu — essa ye la primer vez, ta unde you sei”. Grant "quedou viciau". In vez de scribi' la suæ dissertaçon, passou ses meses obsessivos produziendo la primer traducçon a l angles.
Talos proyectos de philosophìa exploratoria toleraræn-se n Warwick d'una maneira que nun se daba n outræs universidahes britànicæs. Warwick fundaræn-la na dècada de 1960 cumo una universidà q'experimentariæ & s'involucrariæ cul mundo contemporaneo. Na dècada de 1990, el sou campus a fhuœra la vilha, un pelin xebrau, de torres & zigurates paheciæ mas disgastau que futurista, sì q'ansì l sou ethos primitivu viviæ n delhos de departamentos, cumo nel de philosophìa, u studiar scriptoræs francesæs d'avanguarda yera la norma. Nel muxicu d'esta actividà andaba un nuœvu professor muçu nel departamento, Nick Land.
Land yera un home leve & feble, cun una mirada de fhierro, una voz suave, ma convincente, & un aire de surprehendente infhoutu intellectual. “mũîtha xhente ye experto”, diz Grant, “sì q'ansì nunca testimoniei daquien que podier destruyir una thesis de maneira tan forense”. Robin Mackay, que tamien se tornou un de los alumnos de Land, alcuœrda-se: “Nick andaba siempre a piques de dizir 'Nun vos preoccupar por ller esso'. Solo q'elhi ya lo lleyera todo! ”
A l intamu los anhos 90, Land distillaræ la suæ lleitura, q'incluyiæ Deleuze, Guattari & Lyotard, n un todo d'ideæs & un stylu scriptura que, polo mènos pante los alumnos, yera visionariu & emocionantemente pelligrosu. Land scribîu n 1992 que l capitalismo nunca se disincadenaræ propriamente, siempre lu arretuvieræ la polìtica, "la ùltima gran condescendencia sentimental de la humanidà". Considerou Europa un sitiu scleròticu & cada vez mas residual, "la broça racial d'Asia". & Vîu la civilizaçon ayures accelerando n direcçon a un apocalypsis: "El disturbio ha d’augmentar... Qualquiera organizaçon [humana] ye... una mera... deviaçon nel inexorable fluxu de la muœrte". Land dîou classes theatralæs extrañæs: scalando sielhæs ente que fhalaba, ou sentando pandu, canhicando-se a lantre & a tras. Tamien adobou los sous pronunciamientos cun humor nigru. Diziæ a l pùblico de læs palestræs: "Trabayo na staya l collapsu de los studios de la civilizaçon occidental". Un quartu sieglo mas tarde, delhos d’exstudiantæs de philosophìa de la Warwick indagora fhalæn d'elhi cun admiraçon. Robin Mackay diz: “Avulta-mi ser elhi un de los philòsophos mas importantæs de los ùltimos 50 anhos.”
Sì q'ansì, cumo possible gìa de l futuro, Land yera, de cierta fhorma, abondo antiquau. Ta l final de los anhos 90, gastaba un vieyu computador Amstrad de pantalha verde, & los sous scriptos inicialæs de Warwick continiæn mũîthæs mas referenciæs a philòsophos de los sieglos XVIII & XIX — Friedrich Nietzsche yera una fixaçon — q'a pensadoræs ou cultura contemporaneos. La version de Warwick de l acceleracionismo nun se crystalizou da fheitho ta tyigar outros radicalæs a l departamento de philosophìa mediando los anhos 90.
Sadie Plant yera una d'ente elhos: una exprofessora de studios culturales de la Universidà de Birmingham, de l studio de la cultura popular moderna. Mark Fisher, un exalumnu d'elha n Birmingham, yera outru participante. Yera nerviosu & intensu, ente tanto elha yera agradable & accessible. Un tiempu, pœl intamu los anhos 90, elha & Land formarun axuw sentimental.
Ansì cumo Land, Plant & Fisher lleyeræn los acceleracionistas francesæs & fhuerun cada vez mas hostiles a l dominio que considerabæn de læs ideæs tradicionales d'ezquierda & liberales nos departamentos d'humanidahes britànicos & pœl mundo ayures. a l contrario de Land, Plant & Fisher yeræn technòphilos: elha teniæ un computador Apple adelantrau, elhi yera un usuariu adelantrau de computin. “Los computadores... getæn caminos exponencialæs accelerahos, proliferando, miniaturizando & axhuntando”, scribîu Plant in Zeroes and Ones, un lhibru cun cafeìna de 1997 sobre l disinvolvemiento de la computaçon. Plant & Fisher tamien yeræn adeptos compromissos cun læs pellìculæs films d'acçon & mùsica de dança cada vez mas cynèticos de los anhos 90, a los que viæn cumo fhormæs d'arte popular q'incorporabæn læs possibilidahes de la nuœva era numèrica.
Cun Internet tornando-se parte de la vida quotidiana pœla primer vez & l capitalismo apparentemente triumphante træs el collapsu l communismo n 1989, una crehencia de que l futuro se moldariæ quasj q'inteiramente polos computadoræs & pola globalizaçon — l accelerau "movemiento de læs rulæs" que Deleuze & Guattari convocaræn ha duæs dècadæs — spardiæ-se pola academia & pola polìtica britànicæs & americanæs nos anhos 90. Los acceleracionistas de Warwick andabæn na avanguarda.
Ente tanto, habiæ duæs visiones stremadæs de l futuro. Nos USA, revistæs infhoutadoræs & coloridæs cumo Wired promoviæn lo que se conhocîu cumo "la ideologïa californiana": l affirmaçon optimista de que l potencial humanu diba debloquease n qualquier sitiu pola technologïa informàtica. Na Gran-Bretaña, essi optimismu influenciou al New Labour. In Warwick, ente tanto, læs prophecìæs yeræn mas scuræs. “Un de los nuœssos motivos”, diz Plant, “yera precisamente mina'l allegre utopismo de los anhos 90, mũîthos paheciæn per conservadores” — na suæ oppinion, un deseo masculino antiquaho de salvaçon pœr acio de catsivatses. "Querìæmus un mundo mas abierto, convulso & complicaho, & non un nuœvu òrdine brilhante".
Los acceleracionistas de Warwick tamien tuvieræn influenciæs de l sou ambiente. “La Gran-Bretaña de los anhos 90 paheciæ ingurriada, buxa, arruinada”, diz Mackay, “vîmus el capitalismo & la technologïa cumo essæs fhuœrçæs intensæs que tratabæn de dominar un cuœrpu decrèpitu.” Por observa'l processu & adiudar a apressalu, in 1995, Fisher, Land, Mackay & duæs dolzenæs d'outros studiantes & acadèmicos de Warwick crearun una nuœva instituçon radical: la Unidà de Pesquisa sobre Cultura Cybernètica (CCRU). Seriæ un de los collectivos mas mythologïzahos de la historia intellectual britànica reciente.
El CCRU existîu cumo una entidà totalmente funccional mènos de cinco anhos. Un tiempu, basou-se n una ùnica officina nos corredores strẽithos de l departamento de philosophìa de Warwick, u yera una parte non official. Mas tarde, la sè de la unidà fhoi un quartu arrendau nel centro gëorgïano de la vilha, næs proximidahes de Leamington Spa, in riba una filial de la Body Shop.
In dècadæs, referenciæs temptadoræs a l CCRU passarun pœr sitios polìticos & culturales, revistæs de mùsica & arte & læs partes mas cerebralæs de la prensa de moda. "Ha hi collectivos de studiantes na faxa de los 20 anhos q'arrescenificæn læs nuœssæs pràcticæs", diz Robin Mackay. De magar 2007, impobina una respeitada editora de philosophìa, Urbanomic, cun ediçonæs limitadæs de publicaçones antiguæs de l CCRU & nuœvæs colleçones de scriptos de l CCRU, salientadæs ente los sous productos.
El CCRU yera consciente de la suæ figura cumo modelo de magar l intamu. El sou nome yera deliberadamente duru, cun una insinuaçon a militar ou a robòtico, specialmente quando los sous miembros intamarun scribir & a referise a si mesmos collectivamente, sin un artìculu definidu, cumo "CCRU". El 1999, arresumîu la suæ historia a l sympàticu communicador musical Simon Reynolds, nel stylu concisu & disincarnau que yera la suæ marca: “CCRU... disincadena-se a partir d’outhoubre de 1995, quando usa Sadie Plant cumo pantalha & a Warwick University cumo habitat temporal... El CCRU ceba-se de studiantæs de postgraduaçon, acadèmicos cun problemas de funccionamiento (Nick Land) + pesquisadoræs independientes...“
Los exmiembros de l CCRU indagora gastæn la suæ fhalielha, & andæn ferozmente vinculahos a la idea de q’elho se tornou una specie de mente collectiva. Land dixo-mi n un correu electrònicu: "CCRU yera una entidà... irreductible a læs agëndæs, ou biographìæs, de læs suæs subagënciæs componentes... la submission total a la Entidà fhoi fundamental".
Actualmente, Iain Hamilton Grant ye un afable professor maduru que viste un tsalecu cun una pluma nel bolsu superior. Ente tanto, quando y pedì describi’l CCRU, dixo cun sùbita intensidà: “Fhexzîmus una flretsa! Quasj que nun houbo disharmonìa. Nun habìa fhuœlga. Tratamus de nun mos dexebrar. Nun houbo quien ousar deixa’ la panda. Quando todos andæn a l mesmu nivel que los outros, l elemento collectivo q’augmenta ye la velocidà.”
El corru de l CCRU formou collectivos de lleitura & organizou conferenciæs & diarios. Exprimierun-se na sala strẽitha de l CCRU, nel departamento de philosophìa, & dierun-se seminarios d’improviso. Mackay alcuœrda-se de Steve Goodman, un miembru de l CCRU q’andaba particularmente interessau n technologïa militar & n como andaba transformando la vida civil, “disseñando yin & yang na piçarra & lhuœw fhalando sobre helicòpteros. Nun yera una punctuaçon acadèmica — yera exactamente d’esso que todos nòs stàbæmus cansos indenantea l CCRU. In vez d’esso, fhoi un cùmulu de referenciæs compartidæs.”
Grant explicou: “Daquè diba introduzise nel collectivu. Neuromancer [la novella de William Gibson de 1984 sobre Internet & la intelligëncia artificial] introu nel departamento de philosophìa & tornou-se viral. Incontrabæs lhibros de bolsu disgastahos pœr toda la sala commun.”
Læs officinæs de Land & Plant nel departamento tamien se tornarun centros de l CCRU. “Fhuerun arrogantes cul sou tiempu”, dixo Grant, “& elhi teniæ bønæs drogæs - skunk [cannabis]. Magar podier ser scuro intrar ende, una vez q’elhi intamou vivir na suæ officina. Habiæ una torre de fideus & roupa interior secando-se n radiador, que lhavaræ nos aseus de personal".
El campus de Warwick quedaba abiertu ta tarde. Quando l departamento de philosophìa pesllaba de nuœithe, el CCRU segiæ nel tsigre de la union de studiantæs de l outru cantu la strada, u Land pagaba por todælæs bebidæs & de puœis næs casæs d’uno ou de l outro, u la mente l collectivu continuaba los sous trabayos. "Yera cumo la fàbrica d’Andy Warhol", dixo Grant. “Trabayu & producçon el tiempu todo”
El 1996, el CCRU enumeraba los sous interessæs cumo “cine, complexidà, monedæs, mùsica de dança, denheiro electrònico, cryptographìa, feminismo, ficçon, figuræs, vida inorgànica, selva, rulæs, matrizes, microbiòticos, multimedia, redes, nùmeros, percepçon, replicaçon, sexo, simulaçon, son, telecommunicaçones, textil, textos, commercio, video, virtualidà, gerra”. Wœy, mũîthos d’essos tòpicos son medios de communicaçon convencionalæs & fixaçonæs polìticæs. Ha duæs dècadæs, diz Grant, “sentiemus que yèræmus læs ùnicæs personæs nel planeta que stabæn tomando todo esso n serio”. El fin de l CCRU yera fundi' læs suæs preoccupaçonæs n una confederaçon intellectual innovadora & infinitamente flexible — cumo l cyborg que camuda de fhorma na pellìcula Terminator 2, de 1991, un puntu de referencia favoritu — que dalguna fhorma arresumiriæ l presente & l futuro.
La principal conseqüencia de la pesquisa frenètica & promiscua de l CCRU fhoi una correa transportadora d’artìculos enigmàticos, repletos de tèrminos inventahos, delhæs de vezæs speculativos a puntu de ser ficçon. Una pieça týpica de 1996, “Swarmachines”, incluyiæ una secçon sobre jungle, d’aquelha la mena mas intensa de mùsica electrònica: “Jungle funcciona cumo un accelerador de partìculæs, freqüenciæs sìsmicæs de graves proyectando un dron cellular que caltria l cuœrpu... arrebobina & arrecarga l tiempu convencional in toques de silicio de velocidà... Nun ye mal a penæs mùsica. Jungle ye l diagramma abstractu de l devenir dishumanu planetariu.”
Illustraçon de Bratislav Milenkovic
Los acceleracionistas de Warwick viæn-se cumo participantes, non cumo observadoræs acadèmicos tradicionales. Compraræn discos de jungle, fhueræn a clubs & organizaræn pintsas pa pintsar in conferenciæs pùblicæs eclècticæs, que realizaræn na universidà por divulgar ideæs acceleracionistas & attraher mentæs semeyantes. Grant alcuœrda-se q'essos incuœntros, que se realizarun el 1994, 1995 & 1996 sol nome Virtual Futures, attrahiæn “todu typu de nerd so l Sol: adeptos de ficçon scientìfica, scientistas naturales, scientistas polìticos, philòsophos d’outræs universidahes”, sì q’ansì tamien tendenciæs culturales. Observadores: “Daquien de [revista de moda] The Face tyigou a la primeira.”
Cumo la prosa de l CCRU, læs conferenciæs son a ser sfhoutadoræs pante los non iniciahos. Virtual Futuræs 96 annunciou-se cumo "un eventu antidisciplinar" & "una conferencia de posthumanidahes". Una session involucrou a Nick Land “in suœlu, croando a un micròphono”, alcuœrda-se Robin Mackay, ente que Mackay mangaba discos de jungle a l fhundu. “Alguna xhente horrorizaræ-se da veræs cun aquelho. Queriæn una conversaçon normal. Una persona na platea alçou-se & dixo: 'Algunos d’ente nòs outros indagora somus marxistas, sabehes.' & Martsou pa fhuœra.”
Mesmamente dientro l permissivu departamento de philosophìa de Warwick, el disden cada vez mas flagrante de l CCRU pola pràctica acadèmica patron tornou-se un problema. Ray Brassier vîu-lo succeder. Hagora un philòsopho conhocidu internacionalmente na Universidà Americana de Beirut, ente 1995 & 2001, yera un studiante maduru a tiempu parcial in Warwick.
"You andaba cun interes nel CCRU, non obstante scèpticu", diz Brassier. “You yera un pouco mas vieyu que los mas d’ente elhos. El CCRU sentîu q’andaba caltriando n daquè mayor que l academia, & ãpuntou mũîthæs cousæs q’intamaræn acontecer nel mundo. Sì q’ansì l trabayu d’elhos tamien fhoi frustrante. Reconhoceriæn allegremente la magreza de la suæ pesquisa: "Nun se trata de conhocemiento". Ente tanto, si pensar ye mal a penæs connectar cousæs, ye nidio que ye emocionante, talque tomar amphetaminæs. Cun todo Pensar tamien ye disconnectar cousæs.”
Brassier diz que l CCRU se tornaræ una presencia "per divisiva" nel departamento de philosophìa. “La mayorìa l departamento realmente tarreciæ & dispreziaba a Nick — & essi odio extendìa-se a los sous alumnos.” Houbo disputæs burocràticæs cada vez mas bederres sobre la investigaçon de l CCRU & como, si ye que s’houbier de, habriæ regulase & evaluase externamente. El 1997, Plant renunciou a la universidà. “La dynàmica personal, polìtica & philosòphica l CCRU yera irresistible pante mũîthos, sì q’ansì you me sentì afhogada & tuvi de salir d'ende”, dixo-mi elha. Tornou-se scriptora a tiempu integral &, delhos d’anhos, fhoi l acadèmica digïtal favorita de los media britànicos, una “IT girl for the 21st century”, cumo l Independent la denominou n sin aliendu n outhoubre de 1997.
El 1998, Land tamien renunciou a Warwick. Elhi & media dolzena de miembros de l CCRU retirarun-se a la sala n riba de l Body Shop de Leamington Spa. Ende elhos passarun de l acceleracionismo a un vòrtiç d’ideæs esotèricæs mas antiquadæs, extrahidæs de l occultismo, de la numerologïa, de læs novelæs insondables de l scriptor de terror americanu HP Lovecraft & de la vida de l mýsticu angles Aleister Crowley, que naciera n Leamington, n una casa cavernosa cun terraça na que varios miembros de l CCRU se mudarun.
"El CCRU tornou-se quasj secta, quasj religïoso", diz Mackay. “Salì indenantea baltiar na pura lhoucada.” Dous de los principalæs textos de la unidà siempre fhuerun la novella Heart of Darkness, de Joseph Conrad, & la suæ adaptaçon cinematogràphica, Apocalypse Now, que fhixzo pahecer collecionar segidores & xebrase de l mundo & de l xixu convencional letalmente glamouroso. Na sala de l ùltimu nivel, Land & los sous alumnos diseñabæn diagrammas occultos næs paredes. Grant diz q’un "gubierno punitivo" de pensar & beber de mas lhevou delhos de miembros a crisæs mentales & phýsicæs. Land mesmu, de puœis de lo que mas tarde describiriæ cumo "talvez un anhu d’abusu fanàticu" de la "substancia sagraho amphetamina" & "insomnio artificial prolongaho” dedicaho a pràcticæs fùtiles de 'scriptura'", suffrîu un collapsu a l intamu los anhos 2000, & sumîu de la vista l pùblico.
"El CCRU acabou sumiendo", diz Brassier. “& Mũîtha xhente — sin m’incluir — pensou: 'Bøn guaceu'.”
Media dolzena d’anhos mas tarde, na Universidà de Western Ontario, nel Canadà, un studiante de master in scienciæs polìticæs, Nick Srnicek, intamou ller un cartafhuœyu britànicu sobre cultura popular & polìtica que se tyamaba K-punk. K-punk staba n martsa de magar 2003 & acquerîu un cultu de segidores ente acadèmicos & crìticos de mùsica pola suæ itinerancia inconsciente pente discos & programmas de TV ta la reciente historia britànica & philosophìa francesa.
K-punk scripto por Mark Fisher, ex-CCRU. El cartafuœyu caltuvo delhæs de characterìsticæs de Warwick, cumo citar reverentemente Deleuze & Guattari, cun todo gradualmente fhoi perdiendo la retòrica aggressiva l CCRU & la polìtica procapitalista por una vision mas perdonadora & inclinada a la ezquierda de la modernidà. Fisher sentîu cada vez mas que l capitalismo decepcionaba los acceleracionistas, cun læs suæs corporaçones cautelosæs & arraigadæs & cyclos interminablæs d'essencialmente los mesmos productos. Sì q'ansì tamien andaba impaciente cun la ezquierda, q'a elhi yi paheciæ ignora’ læs nuœvæs technologïæs quando habriæn tenelæs exploraho. Srnicek concordou. Elhi & Fisher tornarun-se amigos.
La crisis financieira de 2008 & la respuœsta inefficaz & antiquada de la ezquierda a elha — cumo læs protestæs de caleya l movemiento Occupy — convencierun Srnicek de ser necessaria una polìtica radical actualizada. El 2013, elhi & un theòricu polìticu britànicu muçu, Alex Williams, coscribierun un Manifiestu por una polìtica acceleracionista. "El capitalismo intamou arresta' læs fhuœrçæs productivæs de la technologïa", scribieran elhos. “[la nuœssa version de l] acceleracionismo ye la crehencia bàsica de q'essæs capacidahes puœden & han liberase... reaproveithadæs pa finæs communes... in direcçon a una modernidà alternativa.”
Lo q'essa “modernidà alternativa” podriæ ser mal s'insinuou, sì q'ansì seductoramente, cun referenciæs transitoriæs a la reducçon de l horario trabayu, a la technologïa usada por reduzi'l conflictu social, in cuœntæs de exacerbalu, & a la humanidà moviendo-se "alhen de læs limitaçonæs de la tierra & de læs nuœssæs propriæs fhormæs corporalæs immediatæs". Nos cartafhuœyos de polìtica & philosophìa de la Gran-Bretaña, USA & Italia, sparcîu-se la noçon de que Srnicek & Williams fundaræn una nuœva philosophìa polìtica: "acceleracionismo d'ezquierda".
Dous anhos de puœis, el 2015, expandierun el manifiestu n un lhibru un pouco mas concretu, Inventing the Future. Defendîu una economìa basada, tanto quanto possible, na automaçon, cun los lhabores, læs xheiræs & los salarios perdidos substituidos por una renta bàsica universal. El lhibru atirou anhos mas attençon q'un trabayu speculativu d'ezquierda, cun interæs & alabancæs d'ezquierdistas intellectualmente curiosos, cumo l deputau laborista Jon Cruddas & los auctoræs Paul Mason & Mike Davis.
Ente tanto, la pallabra acceleraçon actual nun apahecîu n lhibru. "Desistiemus de l tèrminu hagora", dixo Srnicek. “Tien sido per popularizau & nun queremus que todo corra mas aìna, de qualquiera maneira. Aldericar por una selmana de trabayu mas curtia defende la deacceleraçon de la vida la xhente.”
El manifiestu de 2013 amentou la version anterior de l acceleracionismo de Land, describiendo-la cumo “aguda” & “hypnotizante”, a l in par que tamien “myope” & “confusa”. Quando Srnicek & you nos conhocîmus — appropriadamente, elhi seleccionou un spacio pùblico futurista: un cafè na nuœva extension angular de Tate Modern — introgei como elhi consideraba a Land & l trabayu de l CCRU hagora. “Læs cousæs de Land son una lectura vàlida de Deleuze & Guattari,” intamou educadamente. “Magar l inhumanismo de todo elho... & nun stou seguru de si tornando a los textos de l CCRU ye tan interessante – essos inriedos de pallabræs… gasta' la pallabra 'cyber' paheç per-90s.”
Introgei-yi a Land que pensaba de l acceleracionismo d'ezquierda. “La noçon de se' la technologïa autopropulsada dexebrable de l capitalismo,” dixo, “ye un profundu error theòricu.”
Una vez recuperau de l mal, Land deixou Gran-Bretaña. Martsou paha Taiwan “ceho nel nuœvu millennio”, contou-mi, lhœw pa Xanghai “un par anhos mas tarde”. Ende vive indagora. “La vida cumo un outsider fhoi un allivio.” La Tsina yera d'outra maneira emocionante. N un artìculu de l 2004 pa l Shanghai Star, un mediu n papel n angles, describîu la moderna fusion tsina de marxismo & capitalismo cumo “el mas grande dispositivu polìticu de disinvolvemiento social & econòmico que l mundo nunca conhociera”. In Warwick, elhi & l CCRU tienen da vezo scripto excitadamente, non obstante cun poucu detalhe real, de lo que tyamæn “Neo-Tsina”. Una vez tuvo vivido ende, Land contou-mi, catou cun sigo “ta un grau massivu” que la Tsina ya yera una sociedà acceleracionista: infocada a l futuro & camudando aìna. Apresentando-se cun los colosalæs proyectos de l gubierno tsino, el sou disprezio libertario previo polæs capacitaçonæs de los gubiernos baltiou pa siempre.
De vuœlta na mènos revolucionaria Gran-Bretaña, el periodismo tsino de Land, una extraña amalgama de propaganda progubernamental, hypèrbole, & paraphernalia alhouriada CCRU – “Na Expo mundial de 2010 de Xanghai… pistæs parallelæs fundierun-se xhuntæs, nel mas grande acontecemiento discreto na historia l mundo” – passou ou n sin pena nin gloria ou ignorou-se intencionalmente nos 2000 & primeiros 2010. Ente la continua cifra ascendente de xhente cun un interæs n acceleracionismo, houbo la impresion que Land orientaræ la philosophìa pœr direcçonæs inappropriadæs.
Outros miembros de la diàspora Warwick fhexzierun mènos accomodaçonæs controversæs cul mundo moderno. Suzanne Livingston, una vieya miembra l CCRU, axhuntou-se a l agëncia internacional de marcæs Wolff Olins, & usou l lhabor PhD que fhexziera n Warwick sobre robòtica & intelligëncia artificial sofhitando corporaçonæs technològïcæs talæs que Sony & Ericsson. Steve Goodman fundou l selho musical electrònico Hyperdub in 2004, & intamou editando ominosæs & cadarmàticæs gravaçones dubstep, pol celebrau artista de south London Burial ente outros, da quando cun fhondæs missivæs acceleracionistas dientro. “ye cumo una cebolha,” dixo. “A la nuœssa audiencia incamentamus-la pa spulgar tantos stratos cumo y apeteça – delhos tyoraran, ansì que nun los forçaremus.”
Ente 2002 & 2014, Goodman tamien dîou classæs de cultura musical na Universidà d’East London (UEL), que, cabo a l Goldsmiths College, nel sur de London, dà trabayu freqüente a los vieyos miembros de l CCRU. "El corru Warwick indagora ye un collectivu d’amigos, dedicahos & fieles unos a los outros", diz un excollega de l UEL de Goodman. "Essa ye la bøna maneira de dizilo. La outra maneira ye dizir que la cousa de la secta CCRU nunca cessou."
Sea l acceleracionismo britànico una secta ou no, Robin Mackay anda nel centro d’elho. Pa tras de publica' los sous principalæs textos pœr Urbanomic, tien caltenido contactu cun los mas de los sous vieyos camaradas de Warwick, ta l mesmu Land, q’elhi conhœç, & mũîthæs vezes defende, ha 25 anhos. Sì q’ansì Mackay ye una presencia mènos inquietante. Quarenta-&-très anhos hagora, vive ha una dècada n una quinta pa l interior de Cornwall. Atopou-me na staçon mas pròxima, vestiendo una camisa de negro severo & ascuîthando techno complexo nel systema de son de l vehìculo sou, cun un de los sous fhiyos a arrecostines.
Na sala de star de la suæ quinta semi-renovada, cortinæs baxadæs scontra l adorable dìæ de primavera, Mackay fhalou sobre acceleracionismo & la suæ historia serpenteante horæs, fumando horæs — un vieyu vezu de l CCRU — & zarramicando sele ente læs suæs lhargæs phrases, tan deliberada- & regularmente podiæ vese-lu pensando. A cerca l fin, dixo: "Acceleracionismo ye una màchina que combatte l pessimismo. a l considerar possibilidahes inexploradæs, un puœde sentise mènos scuru sobre l presente". Mackay dixo que passaræ por periodos de depression. El sou colhaçu, Mark Fisher, que tamien teniæ depression, quitaræ-se la propria vida n xhanheiro.
Al final de la suæ vida, Fisher andaba cada vez cun mas preoccupaçon pola idea de que la Gran-Bretaña nun staba caminando pa un gran blrincu a lantre, staba-lo pa la Stasis. Por todu l frenesì de la vida moderna, de cierta fhorma ta mesmamente los paìses mas disinvuœltos indagora viven no oppuœsto a los tiempos accelerahos: los mesmos partidos apparentemente perpetuando-se n Poder; el mesmu capitalismo galbanoso, indagora lhuîthando por un imburrie una dècada de puœs de la crisis financieira; læs mesmæs anxiæs polos bønos vieyos tiempos, expressos tanto polos vieyos eleitores Brexit cumo polos sinhalrdosos ezquierdistas.
Inclusive l pensamiento l archiacceleracionista Nick Land, q’hagora tien 55 anhos, puœde andar adondiando. De magar 2013, tornou-se un guru de la neo-reacçon de l movemiento d’extrema-dreitha que se basa nos USA, ou NRX, cumo mũîthæs vezes s’autodenomina. Los neo-reaccionistas cren na substituçon de los modernos stados-naçon, de la democracia & de læs burocraciæs gubernamentalæs por urbes-stau auctoritaries, que nos cartafhuœyos de neo-reacçon sonen tanto a reynos medioevalæs idealizahos cumo a enclavæs modernos, cumo Singapore.
El 2013, Land scribîu un lhongu enxayu na rede sobre l movemiento, intitulau cun la týpica theatralidà "The Dark Enlightenment", que se tornou ampliamente vistu cumo un de los documentos fundadoræs de la neo-reacçon. Land argumenta hagora que la neo-reacçon, cumo Trump & Brexit, ye daquè que los acceleracionistas han sofhitar, a fin d’apura’l final de l status quo. De mentræs, l analysta de l acceleracionismo Ray Brassier nun anda convencidu: "Nick Land passou de discutir 'la polìtica sta muœrta', ha 20 anhos, a esta cousa antiquada da fheitho & reaccionaria patronizada. "La neo-reacçon tien fe na technologïa & un segidor in Silicon Valley, cun todo d’outra maneira paheç una causa retrògrada cumo p'alliase-y los acceleracionistas.”
Sin un capitalismo dynàmico de l que s'alimentar, cumo Deleuze & Guattari teniæn a l intamu los anhos 70, & los philòsophos de Warwick teniæn nos anhos 90, egual l acceleracionismo solo corra pœr caleyæs sin salida. Nel sou lhibru de 2014 sobre l movemiento, Malign Velocities, Benjamin Noys accusa-lo d’offrecer soluçones "falsæs" pante los actuales dilemmas technològïcos & econòmicos. Cul acceleracionismo, scribe, un adelantru por un futuro meyor sta "siempre promittido & siempre fhuœra l algame".
El 1970, el scriptor americanu Alvin Toffler, exponente de la prima intellectual mas trasna de l acceleracionismo, futurologïa, publicou Future Shock, un lhibru sobre læs possibilidahes & los pelligros de læs nuœvæs technologïes. Toffler prevîu la tyigada imminente de la intelligëncia artificial, cryònica, clonaçon & robots trabayando tras los monstradoræs de facturaçon de læs compañìæs aereæs. "El rhythmu l cambio accelera", concluîu una version documental de l lhibru, cun una locuçon pœlin presumptuosa d’Orson Welles. "Andamus viviendo una de læs mayoræs revoluçonæs de la historia — el nacemiento d’una nuœva civilizaçon."
Pouco mas tarde, la crisis de l petroleo de 1973 occurrîu. El capitalismo mundial nun s’accelerou nuœvamente n quasj q'una dècada. Andamus indagora sperando gran parte de la "nuœva civilizaçon" que Toffler promittîu. Sì q’ansì Future Shock vendîu milhones de copiæs. Un dìæ, un acceleracionista podriæ fhaze’ lo mesmo.
